ChatGPT á íslensku

Lagaðu ChatGPT-textann hér

Límdu inn texta frá ChatGPT eða annarri gervigreind. Hreinskrift lagar orðalagið, sýnir hverja breytingu og lætur góðan texta í friði.

Talar ChatGPT íslensku?

Já. ChatGPT skilur íslensku og skrifar hana, og það sama gildir um Claude og Gemini. Íslensk stjórnvöld unnu með OpenAI að því að bæta íslenskuna í GPT-4 árið 2023 og nýrri líkön skrifa málfræðilega rétta íslensku í flestum tilvikum. Vandinn er sjaldnast málfræðin heldur orðalagið: textinn hljómar eins og hann hafi verið hugsaður á ensku.

Hvernig læturðu ChatGPT svara á íslensku?

• Skrifaðu spurninguna á íslensku. ChatGPT svarar yfirleitt á því máli sem þú skrifar á.
• Ef svarið kemur samt á ensku skaltu bæta við „Svaraðu á íslensku“.
• Til að þurfa ekki að biðja um það í hvert sinn geturðu sett „Svaraðu alltaf á íslensku“ í sérsniðnar leiðbeiningar (e. custom instructions) í stillingum ChatGPT.

Af hverju hljómar íslenskan eins og þýðing?

Mállíkön á borð við ChatGPT læra mestmegnis af enskum texta. Þegar þau skrifa á íslensku raða þau íslenskum orðum í enska setningagerð og nota ensk orðasambönd. Orðin eru vissulega íslensk en hugsunin að baki þeim er ensk. Þetta er kallað þýðingarbragur.

Lesandinn finnur þetta á sér þótt hann geti kannski ekki bent á neina eina villu. Textinn er réttur en hljómar einfaldlega ekki eins og lifandi manneskja hafi samið hann, og það dregur úr trausti.

Algengustu einkennin

• Beinar þýðingar á enskum orðatiltækjum, eins og „ná út til“ (e. reach out) og „taka á næsta stig“.
• Markaðsmál sem enginn Íslendingur myndi nota, til dæmis „knúið af ástríðu“.
• Óþarflega þungt orðalag, eins og „gerir þér kleift að“ í stað einfaldrar sagnar.
• Of mörg loforð í sama textanum.

Dæmi: fyrir og eftir

Setningar sem einkenna gervigreindartexta og hvernig Hreinskrift skrifaði þær upp á nýtt.

Hvernig færðu betri íslensku úr ChatGPT?

• Biddu ChatGPT um að skrifa beint á íslensku en ekki að þýða enskan texta.
• Láttu fylgja dæmi um texta sem þú vilt að svarið líkist.
• Biddu um styttri setningar og færri lýsingarorð.
• Lestu textann upphátt. Ef þú myndir aldrei segja setninguna við aðra manneskju er hún líklega þýðing.
• Eða láttu Hreinskrift lesa textann yfir. Þá sérðu hverja breytingu og af hverju hún var gerð.

Spurt og svarað

Hvernig læt ég ChatGPT svara á íslensku?

Skrifaðu á íslensku eða bættu við „Svaraðu á íslensku“. Í stillingum ChatGPT geturðu sett það í sérsniðnar leiðbeiningar svo það gildi í öllum spjöllum.

Getur ChatGPT skrifað góða íslensku?

Oft já, sérstaklega í stuttum og einföldum texta. Í markaðsefni og lengri texta er þýðingarbragurinn algengastur.

Virkar gervigreind á íslensku?

Já, stærstu líkönin skrifa málfræðilega rétta íslensku. Vandinn er að hún hljómar oft eins og þýðing: enskar setningar með íslenskum orðum. Hreinskrift lagar það og lætur texta sem er þegar á góðri íslensku í friði.

Breytir Hreinskrift merkingu textans?

Ekki án þess að þú sjáir það. Hver breyting er sýnd og merkingin er borin saman við frumtextann. Finni samanburðurinn merkingarmun í íslenskum texta færðu frumtextann aftur. Þýðingu reynir Hreinskrift aftur, og takist ekki að staðfesta merkinguna er þér sagt það berum orðum.

Er hægt að nota Hreinskrift inni í ChatGPT?

Það er væntanlegt. Nú þegar geturðu notað Hreinskrift í Claude, Claude Code, Cursor og Codex.